Kalimah Ngantét

Kalimah salancar, nyaeta kalimah anu ukur diwangun ku hiji jejer (subyék) jeung hiji caritaan (prédikat). Kalimah salancar anu dihijikeun atawa dikantétkeun kitu teh disebutna kalimah ngantét, Atawa bisa ogé kalimah anu ngagunakeun kalimah penghubung. Dilitik tina wadana, kalimah ngantét téh aya dua rupa, nyaéta kalimah ngantét satata (sadarajat) jeung kalimah ngantét teu satata (sumélér). Ngarah leuwih jéntré, urang pedar hiji-hiji nya.

a.     Kalimah ngantét satata (sadarajat)

Nilik kana eusina, kalimah ngantét satata aya tilu rupa:

1.     Kalimah ngantét satata anu satujuan

Ieu kalimah ngantét téh ngagunakan kecap panyambung jeung, sarta, tuluy/terus. Contona:

1)    Sawah teh lega sarta subur

2)    Sanggeus ngagorowok, tuluy manehna lumput

2.     Kalimah ngantét satata anu lalawanan

Kecap panyambung anu digunakeun dina ieu kalimah, nyaeta ari jeung tapi. Contona :

1)    Imah kuring dilebak, ari imah udung mah di tonggoh

2)    Lanceukna bageur, tapi adina mah bangor pisan

3.     Kalimah Ngantét satata anu nerangkeun sabab-musaba

Kalimah panyambung anu digunakeunana, nyeta: da, sabab jeung lantaran. Contona:

1)    Elis mah dipikanyaah ku guruna, da bagor

2)    Peplakan téh garing , sabab heunteu kahujanan

b.     Kalimah ngantét teu satata (sumeler)

   Yén anu dimaksud kalimah ngantét teu satata (sumélér) téh nyaeta kalimah ngantét anu diwangun ku kalimah lulugu jeung kalimah sélér.

   Kalungguhan kalimah sélér téh pikeun ngaganti sahiji bagian anu aya dina kalimah lulugu. Bisa ngaganti jéjér, abyek, atawa katerangan. Titénan conto séjénna di handap!

a)     Kalimah sélér mangrupa jéjér

1)    Disebutkeun ku jajat yén éta barang téh meunang nginjeum

2)    Mamat nyarita ka indungna yén manehna hayang nuluykeun sakola ka STM

b)    Kalimah seler mangrupa obyek

1)    Bu Erni nétélakeun, buku téh kudu dibaca

2)    Kolotna meh saban waktu mepelingan yen hirup téh kudu basajan

c)     Kalimah seler mangrupa katerangan

1)    Basa indungna maot, manehna ngarumpuyuk kapiuhan

2)    Sabot uhen balangah, sapatuna disumputkeun kubabaturanana